«Eskubide zibil eta politiko, eta askatasun demokratikoaren aldeko» manifestazioa egingo da etzi, Bilbon, 17:30ean hasita. Kataluniari elkartasuna adierazteko, Azkoitiko Gure Esku Dago ekimenak autobusa antolatu du Bilbora joateko, eta Zakela, latz eta Etxe-Aitz tabernetan eman beharko da izena.
EAJk eta EH Bilduk babestu dute Gure Esku Dagok deitutako deialdia, eta ELA eta LAB sindikatuek ere bat egin dute manifestazioarekin. Manifestazioak Demokrazia - Erabakitzeko askatasuna izango du goiburu, eta 17:30ean abiatuko da Bilboko Casilla plazatik, udaletxe aurrean amaitzeko.
