Josune Herrarte Urratseko kideak egindako adierazpenarekin, eta suziri hotsekin, 09:00etan ireki dituzte Azkoitiko lau bozkalekuak. Javier Azpitarte Usin, 96 urteko herritarrak, eta Ihintza Arakistain Urtzelai, Iraide Alberdi Gogortza eta Miren Odrizola Alberdi 16 urteko herritarrek elkarrekin eman dute botoa, besteak beste. Guztira 9.447 herritar daude deituta gaur botoa ematera. 421 azkoitiarrek eman dute maiatzaren 7a baino lehen botoa.