Bertaratu direnei egindako harrerarekin hasi da irekiera ekitaldia, eta ondoren Abaraxka proiektua gehiago ezagutzeko beta izan dute herritarrek, bi bisita gidatu egin baitituzte. Pello Añorga ipuin kontalariak haurrentzat eta helduentzako ipuin kontaketa ere egin du gero. Haurren eraikuntza tailerrarekin amaitu da Abaraxka proiektuaren inaugurazioa.
2015eko uztailean sortu zen Hazitik Kooperatiba, proiektu kolektibo bat izateko eta irabazi asmorik gabeko Kooperatiba izateko ideiarekin. Abaraxka proiektuaren baitan aterpetxea, Mikel Uria jatetxea eta taberna kudeatuko dituzte kooperatibako kideek.