Bisita egiteaz gain, liburu bat ere oparitu zioten alkateari. 40 laguneko taldea osatzen dute eta erdiak Azpeitian daude. Egun hauetan, udaletxea ez ezik, Guggenheim Museoa, Eusko Legebiltzarra, Eureka Zientzia Museoa edota Galarretako frontoia bisitatuko dituzte.
"Herrien Europa" elkartruke programaren baitan etorri dira italiarrak, aurretik hara joateko aukera izan baitzuten Urola Ikastolako ikasleek. Urteak daramatzate ekimen horrekin, eta Paduako zentroarekin ez ezik, Europako beste hainbat ikastetxerekin ere hitzarmenak dituzte antzerako esperientziak bizi ahal izateko.