Azkoitiko Zubiberri gimnastika erritmiko taldeko neskak Gasteizen izan ziren igandean, Beti Aurrera taldeak antolatutako txapelketan parte hartzen. Taldeka nahiz banaka aritu ziren gimnasta azkoitiarrak, eta emaitza txukunak lortu zituzten zenbait probatan.
Haurren mailan, bost uztai modalitatean, lehen postua lortu zuen Zubiberri 1 taldeak, eta hirugarren sailkatu zen Zubiberri 2 taldea. Aldiz, jubenil mailako banakakoan, Nikole Aranbarri bigarren sailkatu zen mazoekin egindako ariketan, eta Nahia Urbizu bosgarren, uztaiarekin.