Zubiberri gimnastika taldeak Tolosako gimnastika txapelketan parte hartu du gaur goizean, hango Uzturpe frontoian, eta hainbat ariketa egin dituzte Azkoitiko kideek. Senior mailako taldeak, esaterako, bost uztaikin, eta Amaia Sudupe pilotarekin nahiz mazoekin aritu da. Sudupe hirugarren eta seigarren postuan sailkatu da pilotarekin eta mazoekin, hurrenez hurren. Senior taldeak, berriz, laugarren egin du.
