Zubiaurreko igerilariek Marea Urdina itsas-zeharkaldian hartuko dute parte bihar

Erabiltzailearen aurpegia Zubiaurre Igeri Elkartea 2018ko uzt. 6a, 10:43

Iritsi da Marea Urdina. Bihar abiatuko da Mutrikun autismoa duten pertsonen aldeko itsas-zeharkaldia. Zubiaurre Igeri Elkartea ekimenaren babesle eta bidelagun izan da hasieratik, eta bihar ere, gure atxikimendua helaraziko diogu. Zubiaurreko 13 urtetik gorako igerilari talde zabal batek hartuko du parte itsas-zeharkaldian, Deba parean. 1.500 metroko tartean egingo dute igeri.

 

Bertara joateko autobusa 08:25ean hartuko dute Eroski txikiaren pareko geltokian. 09:15erako prest egon beharko dute igerilariek, Debako hondartzan, eta aurreikuspenen arabera, 09:40 inguruan batuko dira itsas-zeharkaldira.

Dagokien zatia egin ondoren, Deban bertan hamaiketakoa izango dute. Igandean amaituko da Marea Urdina trabesia Hondarribian, eta bide osoan zehar, Zubiaurreko kideak, boluntario gisa, lanean arituko dira.

Gozatu denok biharko eguna! Gu ere URDINAK gara! Aupa Zubiaurre!

Kirola Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide