Ekaineko aurreneko igandea izanik, gaur korrituko dute haurrek zein gaztetxoek krosa, aurten Xabier Munibe 40. Parte Hartze Herrikoia izenpean. Horren aitzakian, Azkoitian duela 63 urte jokatutako herri krosa ekarri du Azkoitia Gukak Zaharrak Berri atalera.
Argazkia 1961eko Azkoitiko Herri Krosekoa da, Josu Arroitajauregi argazkilariak ateratakoa. Irudian zenbait haur ageri dira korrika helmugara bidean, Julio Urkixo etorbidean barrena. Arroitajauregi Argazki Fondotik hartutako argazkia da.
BIDALI ZURE ARGAZKIA!
Azkoitia Gukak herritarrak animatu nahi ditu etxean gordeta dituzten argazki zahar eta esanguratsu horiek hartu, eta atal honetan partekatzera. Argazkia emailez bidal daiteke–azkoitia@ukt.eus– edo eskura eman daiteke – Kale Nagusia, 62–.