Oteiza Pilota Kirol Elkarteak 2022-2023 denboraldirako izen-ematea ireki du. Sasoi berrian pilota elkartean aritu nahi dutenek, 667 50 39 18 telefono zenbakira whatsapp mezua idatzi beharko dute edota azkoitiotepilota@hotmail.com posta elektronikora mezu bat idatzi.
2015. urtean edo lehenago jaiotakoentzat zabaldu du deialdia pilota elkarteak, hau da, 7 urte edo gehiago dituzten neska-mutilentzat. Izena ematean, honako informazioa zehaztu beharko da nahitaez: ikaslearen izen-abizenak, ikaslearen jaiotza-data, guraso edo arduradun baten izen-abizenak eta telefono zenbakia, ikastetxea eta astean entrenamendu batean edo bitan parte hartuko duen. Izena emateko azken eguna uztailaren 25a izango da.