2021-2022 denboraldia prestatzeko lanetan ari dira Oteiza pilota elkarteko kideak, eta 7 urtetik gorako neska-mutilek —2014. urtean edo lehenago jaiotakoak—, dagoeneko eman dezakete izena pilota klaseetan. Horretarako, bi modu ezarri dituzte Oteizakoek: 667 50 29 18 telefono zenbakira deituta eta azkoitiotepilota@hotmail.com helbide elektronikora idatzita. Luzatu egin dute izen-ematea, eta pilota ikastaroetan interesa dutenek abuztuaren 20ra bitartean izango dute horretarako aukera.
Mezu horietan ikaslearen izen-abizenak, jaiotze-data eta gurasoaren edo arduradunaren izen-abizenak zein mugikorreko zenbakia zehaztu beharko dira. Horrez gain, ikaslea astean entrenamendu batera edo bitara joango den ere adierazi beharko da.