Hemen da, euskaraz etiketatuta eta ekoizlearen jatorrizko prezioan, Nafarroa hegoaldeko oliba-olio birjina estra eta kontserba-loteak eskatzeko parada. Ez ezazu, beraz, aukera joaten utzi eta bete despentsa urte guztirako. Izan ere,
uztaberria bakarra da.
Urtean bi udaberri izango bagenitu, bigarrena ez litzateke berria izango. Era berean, Errigoraren uztaberria bakarra izango da. Martxoaren 1etik 14ra egin beharko duzu eskaera. Jaso eta ordaindu, ostera, bi txandatan egingo duzu: martxoa amaieran edo apirila hasieran olioa eta ekainaren hastapenean kontserbak.
Uztaberria berdea da,
udaberriaren kolorekoa. Izan ere, lehenengoz, #ESKUTIKeskura eskaintzen diren produktu guzti-guztiak ekologikoan eskuratu ahal izango dituzu. Udazkenean, Errigorago joan eta izatearekin amestu genuen. Bada, aurtengo eskaintza berdearekin, hasi gara dagoeneko ametsak egia bihurtzen, nekeza izan bada ere.
Uztaberria neguaren ostean dator.
Gogotik egin dugu lan: ekoizle gehiago topatu behar izan dugu, nekazari eta elaboratzaileak harremanetan jarri, nekazari-sindikatu eta ekoizpen-kontseiluekin lankidetza bideak garatu... Eta, hala ere, agroekologiaren bide luzearen lehen urratsak baino ez ditugu eman. Leiho txikiak zabaldu ahala, ordea, Nafarroa hegoaldeko landa eremuan eragiteko ate berriak ireki zaizkigu. Oraindik Errigorago eramango gaituzten ateak. Orain artekoak bezala, guztion artean zabalduko ditugun ateak: auzolanean eta elkarlanean.
Uztaberria kanpainako produktuak eskuratu nahi badituzu egin eskaera orain AEK-n edo Errigorako webgunean eta jaso eskatutako produktuak apirilean edo ekainean Azkoitian bertan.