Ilusio ikaragarriarekin, Marea Urdinaren filmaren kartela egiten dugu publiko.
Honako hau da kartelaren azalpena:
- Alde batetik, Marea Urdinaren hasiera islatu nahi genuen: ilusioa, ziurgabetasunak, konpromisoa… Sentipen horiek guztiak Saturraraneko hasieran sentitu genituen, eta horregatik jarri diogu kartelaren atzealdean argazki hori.
- Bestaldetik, Marea Urdina zer izan den adierazi nahi genuen; milaka pertsonen babesa eta milaka pertsona Marea Urdina Naiz esaten eta egitasmoa bere egiten. Horregatik, jaso ditugun argazki guztiekin mosaiko bat osatu dugu.
- Eta bukatzeko, esaldi batekin geratu ginen iaz. Esaldi hori Azkoitiko pertsona oso berezi batek esan zigun Marea Urdina hasi genuenean, eta denborak arrazoia eman dio. Honako hau da esaldia: "Azkoitiarren bihotzera iritsiz gero, honek dena ematen du"
Irailaren 27an, bete ditzagun Baztartxoko 600 eserlekuak! #600baztartxora
Informazioa gehiagorako, hemen.