06:00etan abiatu ginen eta 15:30ak aldera iritsi Arantzazura. Orain bost urte hasi genuen ibilaldia ohitura bihurtzen ari da, eta ekimen horri jarraipena eman diogu aurten ere. Eguraldi egokia izan genuen, freskoa.
Ibilbidea: Azkoititik Aizpurutxo eta Zumarragara, bidegorria jarraituz, Legazpi, Barrendiola urtegia, Minetako bidea, Biozkorniako leporaino eta handik behera Arantzazura.
Arantzazuko Ama Birjinaren irudia oso gertutik ikusi genuen, kamara txikian, anaia Antonioren azalpenak jarraituz. Egun bikaina igaro ondoren, handik etxera autobusez etorri ginen. Mila esker guztioi!
