Egurbideko Jon Orbegozo elkarrizketatu dute 'Amarauna' irratsaioan

Jon Orbegozo, 'Amarauna' saioan. (EITB)

Orbegozok herrian martxan den errota bakarraren nondik norakoak azaldu ditu, Gipuzkoako Erroten Egunaren harira.

Gipuzkoako Erroten Eguna ospatu zuten joan zen igandean, eta horren harira, Azkoitian martxan den errota bakarraren jabe Jon Orbegozo elkarrizketatu dute Euskadi Irratiko Amarauna saioan. Egurbide monumentu multzoaren parte da izen bereko errota, eta haren berri eman du azkoitiarrak irratian. Hemen entzun daiteke elkarrizketa, osorik.

Egun beraren aitzakian, gainera, bisita gidatuak eskaini zituen Orbegozok igandean bertan.

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide