Antonio Sudupe Pio elkarrizketatu zuten atzo ETB1eko Biba zuek! saioan. Xabier Sukia aurkezleak auto klasikoen zaleak elkartu zituen atzoko saioan, eta saioko gonbidatuetako bat izan zen Azkoitian ibilgailu klasikoen topaketa antolatzeko lanak egiten dituen Pio.
Azkoitiarrak hainbat auto klasiko izan ditu 90eko hamarkadatik gaurdaino. Hain zuzen, Piok bere bilduma aurkeztu zuen telebistako platoan. Horien artean, Renault 8 TL izeneko autoa du azkoitiarrak, eta adierazi zuen auto hori dela bere "kuttunenetako bat". Lehen ibilgailu klasikoa nola eskuratu zuen ere azaldu zuen. Era berean, auto klasiko horiekin egiten dituen irteerak zein diren eta zer nolako ekintzetan parte hartzen duen ere azaldu zuen hark.
Zerbait beranduxeago elkarrizketatu zuten Azkoitiko Axiri Classic taldeko Oscar Bernal ere. Zumaiarrak, bereziki, ibilgailu klasikoen prestaketaz hitz egin zuen telebista saioan.
Honako lotura honetan ikus daiteke atzoko saioa osorik.