Azkoitiko Bulego musika taldeak Gure bizitzako lehen bira deituriko dokumental sorta ondu du, eta bertan, 2022ko kontzertuetako irudiak, furgonetako bizipenak, bidaiak eta taldekideen hausnarketak partekatu dituzte. Ikus-entzunezkoa osorik ikusteko moduan jarri dute Youtube plataforman.
Azaroaren hasieran hasi ziren dokumentala eskaintzen, baina orduan zatika eman zuten ikus-entzunezkoa; izan ere, bost zatitan banatuta eman dute dokumentala Instagram sare sozialean. Barbara Fernandez zinegilea izan da dokumentalaren arduraduna eta David Mendizabal edizio zein argazki zuzendaria.