Atzo, asteazkena, ETB1eko Biba zuek! saioan elkarrizketatu zuten Iban Garate. Aktore eta aurkezle azkoitiarra ETB2ko Necesito ayuda saioa aurkezten hasi da duela gutxi, eta programa horren nondik norakoak ezagutzeko galderak egin zizkioten Maddalen Arzallus eta Xabier Sukia aurkezleek Garateri.
Buruko osasunarekin arazoak dituzten gazteei entzuteko sortu dute saio berria, eta gizartean ohikoa den errealitateari ikusgarritasuna ematea du helburu. Helburua da prozesu psikologikoak edo erronka emozionalak, besteak beste, antsietatea, hipokondria, mendekotasun emozionala, telefono mugikorrekiko mendekotasuna edo elikaduraren nahasmenduak gainditzeko bidean dauden bederatzi euskal gazteri laguntzea. "Parte hartzaile gazteek kontatutakoa bere gordintasunean erakusten dugu Necesito Ayuda saioan".