Euskal Telebistak gaur gaueko 22:30etik aurrera emango du Azkoitian grabatutako Herri txiki, infernu handi saioa. Abenduaren 9an eta 23an herrian hartutako irudiak eta hamaika azkoitiarrekin egindako elkarrizketak aurkeztuko ditu ETB1ek.
Abenduaren 9an, Azkoitian izan ziren Pagadizabal eta Gurrutxaga, eta hainbat herritarrekin elkartu ziren biak ala biak. Abenduaren 23an, berriz, elkarrizketetako irudiak eskaini zituzten Gurea pilotalekuan.
Sekulako arrakasta izan zuen bakarrizketa saio hark. Ikuskizunerako gonbidapenak bost minutuan agortuta, leporaino bete zen herriko frontoi nagusia. Emanaldian zehar, berriz, gogotik gozatu zuten saioarekin gonbidapena zuten herritarrek. Gaur gauean, bi saioen grabaketek eman zutena osorik ikusteko aukera izango dute herritar guztiek.