Anaitasuna futbol taldeak gizonen lehen taldeko beste bi mugimendu iragarri ditu. Aimar Guembe azkoitiarrari eta Dani Marin zarauztarrari lotutako albisteak dira horiek; Guembe orain arte lehen taldeko dinamikan egon da, baina bigarren taldeko kide izan da. Datorren denboraldian, Txema Añibarro entrenatzailearen aginduetara arituko da hura. Bestalde, Marin erdiko atzelariak beste urte batez luzatu du kontratua Anaitasunarekin.
Aurrez kontratua berrituta duten hamahiru jokalariei gehituta, gaur-gaurkoz lehen taldeko hamabost kide ditu taldeak.
