Anaitasuna gizonen talde nagusiak laugarren fitxaketa egin du. Mohamed Gourmat da fitxaketa berria, eta Realak utzita ariko da 2022-2023 denboraldian Azkoitiko taldean. 18 urte ditu, eta aurreko bi denboraldietan Realeko jubenilen taldean jokatu du. Eskuin zein ezker hegalean jokatu ohi du Gourmatek.
Hirugarren Mailako Anaitasunako taldeak gaur, asteazkena, denboraldiaurreko partida jokatuko du Zarautzen kontra, 19:00etan, Txerloian.
Euskal Ligako Anaitasunak ere denboraldiaurreko bigarren neurketa izango du gaur, 19:30ean, Tolosaren aurka, San Juan futbol zelaian.