C.D. Anaitasunak Ander Pastrian aurrelaria fitxatu du Hirugarren Mailako taldearen erasoko lerroa indartzeko. 27 urteko azkoitiarra etxera itzuliko da; izan ere, Azkoititik kanpo aritu da hura jokatzen azken urteetan.
Gipuzkoako Ohorezko Mailan jokatu ditu Pastrianek azken hiru denboraldiak, lehen biak Elgoibarren eta azkena Mutrikun. Alebin mailan hasi zen Pastrian Anaitasunan jokatzen, eta datorren denboraldian hamalaugarren sasoia beteko du aurrelariak klubean.
Pastrianena klubak Hirugarren Mailako talderako egin duen lehen fitxaketa da, eta Josu Juaristi zuzendaritza batzordeko kirol zuzendariak aurkeztu zuen hura Txerloia futbol zelaian. Ongi etorri, Ander!
