Anaitasuna futbol taldeak azaroko azken asteburuko futbol partidak ditu aurretik. Mutilen eta nesken lehen taldeak etxetik kanpo arituko dira. Larunbatean, 18:00etan, mutilek Deusto taldearekin neurtuko dituzte indarrak Deustuko (Bizkaia) Etxezuri zelaian. Neskek, berriz, Gasteizko Sansomendi zelaian jokatuko dute larunbatean, 16:00etan, Lakua taldearen aurka.
Etxeko partidak
Larunbatean, lau futbol partida ikusteko aukera izango da San Juanen. 09:30ean, Infantil neskek jokatuko dute partida, Leintz Arizmendi Ibarra taldearen aurka. 10:45ean, berriz, 1go Infantil mutilen 'A' taldeak Urola hartuko du. Ohorezko Kadete neskek berriz ere etxean jokatuko dute. Oraingoan, Zarautz izango dute arerio San Juanen, 12:30ean. Arratsaldean, berriz, 1go Erregional mailako taldearen txanda izango da. 16:30ean, Bergara izango dute aurrean.
Igandean, aldiz, bi partida ikusi ahalko dira San Juanen. 11:00etan, Alebin Partehartzea 'B' taldeak Eibartarrak taldearekin neurtuko ditu indarrak. 12:30ean, berriz, Alebin Partehartzea 'A' taldeak Lagun Onak izango du aurkari.
Etxetik kanpo
Gainerako talde guztiek etxetik kanpo jokatuko dituzte beraien partidak. Ohorezko Jubenil mutilek, igandean 17:45ean jokatuko dute Burumendiren aurka, Mutrikuko (Gipuzkoa) San Miguel zelaian. 1go Jubenil mutilen taldeak, aldiz, larunbatean 18:00etan jokatuko du Zumarragako (Gipuzkoa) Argixao zelaian, Urolaren aurka.
Ohorezko Kadete mutilek Lagun Onak aurkako derbia jokatuko dute Azpeitiko Garmendipen; larunbatean, 10:00etan hasiko da norgehiagoka. 1go Kadete mutilek, bestalde, Zestoa izango dute aurkari larunbatean Iraeta zelaian, 10:00etan.
Infantil mailan, Infantil Txikiek Lazkao izango dute aurkari larunbatean, 10:00etan, Lazkaoko (Gipuzkoa) Arizti Handi zelaian. 1go Infantil mailako 'B' taldeak, aldiz, Zarauzko Asti Txiki zelaian jokatuko du larunbatean, 09:30ean, Zarautz 'C' taldearen aurka.
Alebin mailan, azkenik, Alebin Hobekuntzako taldeak Mutriku izango du aurrean igandean, 10:30ean, Mutrikuko (Gipuzkoa) San Miguel zelaian. Alebin Partehartzea 'C' taldeak, azkenik, Zumarragako (Gipuzkoa) Argixao zelaian jokatuko du igandean, 11:15ean, Urola 'A' taldearen aurka.
Hona hemen partida guztien zerrenda:
