Guztira sei norgehiagoka jokatu zituzten Anaitasunako futbol taldeek. Hirugarren Mailako mutilek, 0 eta 1 irabazi zuten Beasainen Mikel Arzalluzek penaltiz egindako gol bati esker. Emakumezkoen Euskal Ligako taldeak, bestalde, 1 eta 2 galdu zuen etxean Eibarren aurka.
1. Erregional mailako taldeak atseden astea izan zuen, baina Ohorezko Jubenil mutien taldeak 4 eta 0 galdu zuen Arrasatera (Gipuzkoa) egindako bidaian. 1go Jubenil mutilen neurketa, ostera, bertan behera gelditu zen.
Kadete mailan, Ohorezko Kadete mutilek bina berdindu zuten igandean Realaren aurka. Ohorezko Kadete neskek, aldiz, 3 eta 4 irabazi zuten Zarautzen. 1go Kadete mailako mutilek, azkenik, bana berdindu zuten Urki taldearen aurka San Juanen.