Aurtengo eta datorren denboraldiko helburuak azaldu ditu Zuzendaritzak batzar nagusian

Atzo, ostirala, Anaitasunaren Ohiko Batzar Nagusia egin zen, Elkargunean. Eguneko puntu nagusiak, honako hauek izan ziren: 2017-18 denboraldia gainbegiratzea, Zuzendaritza Batzordearen jarraipenaren berri ematea eta 2018-19 denboraldirako Zuzendaritzak dituen helburuak aurkeztea. Zuzendaritzaren mahaian eseri ziren Pedro Urdapilleta presidentea, Jon Ander Azkue arlo ekonomikoaren zuzendaria, Josu Juaristi eta Iraitz Korta mutilen kirol zuzendariak eta Ibon Orbea nesken kirol zuzendaria.