Pedro Urdapilleta Anaitasunako presidenteak hartu zuen hitza aurkezpenarekin hasteko. «Klubaren izenean eskerrak eman nahi dizkiegu Kromo-Bil etxeari eta Juaristi enpresari eman diguten babes guztiagatik. Nahiz eta klubari laguntzeko beste modu bat den, kromo-bilduma jarraitzaile, jokalari eta gurasoen artean etorkizunerako oroigarri polit bat izatea nahi dugu. Sozialki, Anaitasunaren inguruan ilusioa sortzea nahi dugu, eta helburua ahalik eta album gehien osatzea da; oso garrantzitsua da hori klubarentzat», azpimarratu zuen Urdapilletak.