Proba serioa Vitoriaren aurka

Anaitasunak neurketa serioa burutu du Bigarren B Mailako C. D. Vitoriaren aurka, eta itxura ona eman du zaleen aurrean

Gorrixek lehen orduerdian maila handia erakutsi dute, eta Vitoria estuasunetan jartzeko moduan izan badira ere, zelai erdian galdutako baloi batetik egin dute lehen gola bisitariek. Bigarren zatian, goitik behera menderatu du neurketa Vitoriak, baina ondo ordenatu den Anaitasunak zail jarri dizkio gauzak. Gureek beren atean egindako gol bati esker egin dute kanpokoek huts eta bikoa.