Errenteriako taldea 8. postuan sailkatuta dago gaur gaurkoz. 18 punturekin, goiko postuetarako borrokan sartu nahian ari da Touring taldea. Goiko postuetan dauden taldeen aurka jokatzea ari zaio egokitzen azken asteetan, eta Mutriku, Zarautz eta Real Unionen aurka ez du neurketarik galdu. Datu horiek ezin dute Anaitasuna besoak gurutzatuta zelairatzera eraman, aurkari arriskutsua baita Touring. Liga hasieran lehen hiru jardunaldietan porrot egin zuten errenteriarrek, baina ondorengo bederatzi jardunaldietan neurketa bakarra galdu dute.