DEIALDIA | Beste irteera konplikatu bat (Larunbata, 17:35)

Lasarte-Oriara egin beharko dute bidaia oraingo honetan Ohorezko Mailako mutilek, bertan sailkapeneko laugarren postuan den Ostadarren aurka indarrak neurtuko baitituzte. Neurketa estua izango da biharkoa, baina Anaitasunak azken urteetan Michelinen lortutako emaitza onek ikuspegi positibo batera garamatza. Hiru puntuk banatzen dituzte Anaitasuna (36) eta Ostadar (33). Lasartearren balantzea hobea da Anaitasunaren aldean, puntu gehiago batu baitituzte. Hori horrela izanik, Ostadarrek eta atzetik ziren aurkariek Anaitasunarekiko aldea murriztu dute. Abenduko lehen astetik neurketarik galdu gabe zen Ostadar, baina pasa den asteburuan Errenteriako Fanderia futbol zelaian bolada onari agur esan zion hiru eta bi galdu ostean. Jokalari baten izena aipatzekotan Gorka Brit aurrelariarena da arriskutsuena. Etxekoen golegile nagusia da aurten ere Brit, eta gureek adi ibili beharko dute esperientzia handiko aurrelari honekin.