Formazioa hainbat mailatan banatuta dago. Monitore eginkizunean hasiberriak direnentzat lau tailer antolatu dira: Talde dinamika, Espresioa eta eskulanak, Salestar eskaintza hezitzailearen ezaugarriak, Sare Sozialen erabilpen hezgarria.
Erdiko mailan, salestar animatzailearen ezaugarriak landu zituzten.
Goiko mailan, etengabeko formazioaren eskema jarraituz, lau arlo landu ziren: Kontabilitatea eta arlo fiskala, legedi berria eta ekintzarako protokoloak, ume eta gaztetxoen fede taldeen animazioa, formatzaileen formazioa.
Monitore batzuek Don Bosco Aisialdiko Eskolako langaiak garatu zituzten, aisialdiko monitore titulua lortzeko egin dituzte ikasketen osagarri.
Igande goizean hainbat tokitan egiten diren “praktika onen” erakusketa eta elkarbanatzea izan zen eta Espainiako Gaztediaren Kontseiluaren tailer bat egin zen. Gainera, Errioxako gizarte politikako kontseilaria den Conrado Escobar gazteekin egon zen, eta hauen besteenganako doako zerbitzua goraipatu zuen.
Igande eguerdiko eukaristia eta bazkariaren ondoren, animatzaile guztiek jaso zuten “animatzailearen elastikoa”, orain berriro hasiko duten zerbitzuaren sinbolo gisa eta honela eman zitzaion amaiera bilera aberats honi, talde argazki handia eginez.
Bosko Taldea Federazioaren barruan daude Kantabria, Errioxa, Euskal Erkidego eta Nafarroako hemezortzi gazte zentro eta aisialdiko klub. 4000 ume eta gazte inguru dira bere onuradun.
Salestarrentzat, aisialdiak balio hezitzaile handia du. Federazioa talde edo klub bakoitzak bere herrian duen eskaintza indartzen eta sustatzen saiatzen da.