Anaitasuna Kakute xake taldeak irabazi egin zuen berriz ere. Joan den asteko garaipenari eutsi eta 2,5-1,5 menderatu zuen atzo, zapatua, Kultur Etxean Idiazabal.
Kuende berehala galdu zuen partida, baina Valorrek berdindu zuen lehia. Anibal Fernandezek berdindu egin zuen bere taulan, baina Hector Sanchezek garaipena eman zion taldeari.
Taldea sailkapeneko zazpigarren postuan da orain, 11 punturekin. Datorren asteburuan Errenteriara egingo dute bidaia azkoitiarrak, 14,5 punturekin sailkapenean bosgarrena den Fomento taldearen aurka jokatzeko.