Ideiatik Enpresara zure proiektua aztertzen laguntzeko tailerra martxoaren 12an hasiko da

Erabiltzailearen aurpegia Iraurgi Berritzen 2018ko mar. 6a, 16:34

Formakuntza hiru bloketan banatuko da: lehenengoan ideia aztertu eta balioztatuko da, bigarrenean proiektua planifikatzeari ekingo zaio eta hirugarrengoan enpresa sortzeko pausoak eta beronen kudeaketaren inguruko gaiak ikusiko dira. Martxoaren 12an hasiko da eta apirilaren 16an bukatuko da. Ikastaroa astelehen, asteazken eta ostiraletan izango da 09:30etik 13:30era, Intsausti Jauregian.

 

Ikastaroa LANZITUZ, LAN SOZIETATEAK SORTUZ programaren baitan dago eta langabetuen lan munduratzea sustatzea du xede, Lan Sozietateen eredua oinarritzat harturik eta ekintzailetasuna sustatuz. Ekimena, Europar Fondo Sozialak finantziatu du eta ASLEk (Euskadiko Lan Sozietateen elkartea), Iraurgi Berritzenek, Gipuzkoako Bazkundeak, EHU/UPVko GEZKIk (Gizarte Ekonomia eta Zuzenbide Kooperatiboaren Institutua) eta Euskadiko CCOOk parte hartzen dute.

Informazio gehiagorako jarri harremanetan Iraurgi Berritzenekin telefonoz 943 85 11 00 (Ione Eizagirre) edota emailez ieizagirre@iraurgiberritzen.eus.

Ekonomia Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide