Etxeko atetik gertu ditugu iheserako leihoak zabaltzen dizkiguten bazter zoragarriak. Basoen itzaletan gal gaitezke arratsalde luzeetan; zuhaitz itzelen azpian gal gaitezke beroak urtzen gaituenean, eta beldurrak itzal ditzakegu txoriei begira hegan ikasiz.
Eguzki distiren azpian zein lainoak sorgintzen dituenean, edozein behin-behineko une mugagabetan, zoragarria da hain gertu naturaren zati garela gogorarazten diguten atseden guneak izatea. Zaindu ditzagun zainduak izateko.