Azkoitiko Euzko Gaztedi-EGIk antolatuta, Batzokixen Berriketan egitasmoaren barruko saio berri bat izango da aste honetan. Oraingoan, gonbidatua Alberto Martinez Eusko Jaurlaritzako Osasun sailburua da gonbidatua. Etzi, osteguna, Azkoitiko batzokian eskainiko du hark solasaldia, 18:30ean hasita.
Topaketan sailburuak euskal osasun sistemaren egungo egoerari buruzko azalpen zabala emango du, arreta berezia jarriz lehen mailako arretaren indartzean eta Osakidetzak dituen erronka nagusietan. Besteak beste, hizpide izango ditu hark osasun zerbitzuen kalitatea, profesionalen egoera, baliabideen kudeaketa eta etorkizuneko ildo estrategikoak.
Era berean, saioan jorratuko du Zumarragako ospitalearen handitze eta egokitzapen proiektua, eskualdeko osasun-arretaren kalitatea eta irisgarritasuna hobetzeko funtsezko egitasmoa den heinean. Azpiegituren eta zerbitzuen indartzeak inguruko herritarren beharrei erantzun eraginkorragoa ematea du helburu, eta horren inguruko xehetasunak ere azalduko ditu Martinezek.
Ekitaldia irekia da, eta interesa duen oro gonbidatuta dago bertaratzera.