1- Azkoitiko udalerrian etxez etxeko laguntza zerbitzua ematea xede duen kontratuaren 2. luzapenaren onespena.
Batzordean gure abstentzioa eman genuen, beste aldea, hau da, etxez etxeko langileen ordezkariak entzun nahi genituelako, behin betiko erabaki bat hartu aurretik.
Lanketa hori egin dugu. Esan digute denbora luzez egon zaretela gai honi buruz hitz egite. Urtebete luzatu dela zioten, baina aurrera begira akordio bat sinatzeko moduan zaudetela ere luzatu digute.
Beraz, langileak, enpresa eta udala adostasun batera iritsi zaretela jakinik, eta oraindik sinatu ez baduzue ere, baldintzak betetzen direla dakigunez, gure baiezkoa emango diogu.
2- Kreditu transferentzien bidez kredituak aldatzeko 5 zenbakidun espedientearen onespena.
Eskuartean izan ditugun dokumentuen arabera, Floreagako igogailuaren gainkostua ondo justifikatuta dagoela iruditzen zaigu, eta baietz bozkatuko dugu.