Film Laburren XIV. Lehiaketak baditu saridunak. Aurkeztutako bost lanak atzo gauean bota zituzten plazan jarritako pantaila handian, ohi bezala plaza jendez leporaino beteta zela. Epaimahaiaren saria Hautz lokalak irabazi du Hoidek showe Truman filmagatik, eta Publikoaren Saria Txapaferuek jaso dute, Nor bere hitzen morroi lanagatik.
Guztira bost lan aurkeztu dituzte aurtengo lehiaketara, baina horietatik bi sarien lehiatik kanpo utzi zituen epaimahaiak, oinarriak ez zituztelako betetzen; hain zuzen ere, lehiaketaren oinarrietan film bakoitzarentzat ezartzen den gehieneko iraupena gainditu egiten zuten. Hala ere, bost filmak bota zituzten atzo herritarren gozamenerako. Aurtengo gaia Sekretua izan da; hona hemen lan guztiak ikusgai:
