Datorren asteazkenean, hilaren 12an, zabalduko dituzte andremariak direla-eta Trenbidearen Zumardian muntatuko dituzten barrakak; egun horretan 19:00etara arte izango dira irekita.
Asteazkenetik hilaren 19ra arte egongo dira zabalik, egunero, eta azken egunean, jaiak bukatu eta biharamunean, Umeen Eguna izango da, eta beraz, barraketan prezio murritzagoetan ibili ahal izango dute herritarrek.
Gainera, zaratarekiko tolerantziarik ez duten herritarrek ere tiobiboetan ibiltzeko aukera izan dezaten, musikarik gabeko tartea izango da barraken eremuan, egunero, 18:00etatik 19:00etara bitartean.
