Orain gutxi okupatu zuen Azkoitiko Gazte Asanbladak Julio Urkixo kaleko eraikin bat Gaztetxe erabilera emateko, eta asteaz aste ekintzak antolatzen ari dira ordutik. Asteburu honetan ere izan da zertaz gozatua espazio horretan. Hain zuzen ere, musika errezitaldia egin zuten ostiralean, Bizi sintetikoak izenburupean. Atzo, larunbatez, gainera, bigarren eskuko produktuen eta artisauen lanen azoka egin zuten, musikaz girotuta; zehazki, Elba eta Anti_X arduratu ziren arratsaldea girotzeaz. Hala nahi zuenak, jateko eta edateko aukera ere izan zuen.
(Argazkiak: Azkoitiko Gazte Asanblada)