Isilune Zirkuluak bihar, osteguna, egingo dute hil honetako elkarretaratzea, herriko plazan (20:00). Gerrarik ez dutela nahi aldarrikatuko dute biharko hitzorduan, eta mundua zuzenduko duen "nagusirik ez" dutela nahi.
Isilune zirkulua egitasmoak giza eskubideen arloan lan egiten duten herriko hainbat talderen, elkarteren zein erakunderen atxikimendua du, besteak beste, Azkoitiko Parrokiarena, Gernika-Palestinarena, Marea Urdinarena, Darahlirena eta Loiola Zentroarena. Hori hala, hilero talde baten ardura izan ohi da elkarretaratzea prestatzea, eta hark erabaki ohi du zeren inguruko Isilune zirkulua egin. Hil honetan, gerraren aurka egingo dute, Andre Mariaren Jasokundeko Parrokiak deituta.