Haur danborradaren antolatzaileek hartu dute erabakia: umeen danborrada ez da plazatik frontoirako paseora mugatuko. Euriak euri, umeen danbor desfileak kale buelta egitea ebatzi dute Umore Ona eta Tata elkarteek.
Horrela, 17:00etan plazatik irtenda, Plazaberritik Baldaraino joango da desfilea, karroza eta guzti; han zubia gurutzatu eta Ibaiondo kaletik jarraituko du, eliz ataritik plazan gora Gurea pilotalekuraino iristeko. Frontoian bukatuko dute festa; pieza guztiak elkarrekin jo ondoren, merienda emango diete han parte hartzaile guztiei.