Gaur, apirilak 5, Aberri Eguna da, eta hainbat azkoitiarrek bat egin dute aldarrikapen eta ospakizun egun horrekin. Horren erakusgarri, ikurrinak zintzilikatuta ikus daitezke herriko zenbait balkoi eta leihotan gaurko egunez; zenbaitek Nafarroako bandera ere zintzilikatu dute. Herritarrek ez ezik, Azkoitiko Udalak ere zintzilikatu du ikurrina udaletxeko balkoitik, Aberri Egunarekin bat eginez.