Apirila hasteko, haurrentzako Pitufos eta helduentzako Proyecto Salvación zein Historias del buen valle filmak izango dira ikusgai hileko lehenengo asteburuan, Baztartxo antzokian. Haurrei zuzendutako filma igandean emango dute, 17:00etan hasita. Proyecto Salvación larunbatean, igandean eta astelehenean egongo da ikusgai; asteburuan 19:30ean, eta astelehenean 20:00etan. Historias del buen valle, aldiz, Matadeixe Zinetogram taldeak eskainitako zineforum saioa izango da, eta asteartean 20:00etan emango dute.
Pitufos filmean, Razamel eta Gargamel sorgin maltzurrek pitufo aita bahitzen dutenean, Pitufinak pitufoak mundu errealera eramango ditu hura salbatzeko. Adiskide berrien laguntzarekin, pitufoek beren patua zerk definitzen duen jakin beharko dute, unibertsoa salbatzeko.
Proyecto Salvación filmean, berriz, Ryland Grace zientzia irakaslea etxetik oso urrun dagoen espazio-ontzi batean esnatzen da, ez du gogoratzen nor den, ezta horra nola iritsi den ere. Oroimena berreskuratzen doan heinean, bere misioa zein den jakingo du: Eguzkia itzaltzea eragiten duen substantzia misteriotsuaren enigma ebaztea. Bere ezagutza zientifikoaz eta ideia ez oso ortodoxoez baliatu beharko du Lurrean dagoen guztia desagertzetik salbatzeko... baina ustekabeko adiskide bat egiteak esan nahiko du agian ez duela bakarrik egin beharko.
Historias del buen valle filmak, bestalde, Vallbonan kokatzen du ikuslea, Bartzelonako aldiriko auzo batean, non ibai batek, trenbideek eta autobideek isolatzen duten. Kanpoaldeko auzo bat da, landa-mundutik hiri-mundura igarotzea bizi duena, non erdigunetik desagerrarazitako bizimoduak babesten diren. Bertan, lehen migratzaileen etxeak batera existitzen dira, gerraostearen ondoren iritsi ziren, eta migrazio berria biltzen duten lo-hiriko bloke berriek, txoko xume hori benetako herrixka globala bihurtu dute. Biziraupenean eta auzo borroketan ernaldutako memoria da. Historias del buen valle imajinarioen, gaztaka sozial, generazional eta identitarioen, urbanistiko eta ekologikoen arteko batura da; baina baita egungo munduaren begirada lasai eta humanista ere.