Anaitasuna mendi bazkunak antolatuta, Pirinioetara irteera egin dute asteburuan herriko hainbat mendizalek; otsailaren 7rako eta 8ko irteeran eguraldi txarragatik gauzatu ezin izan zituzten ibilaldiak egiteko asmoz egin dute bi eguneko txangoa 25 bat lagunek.
Zapatuan, 10,6 kilometroko ibilbidea egin zuten guztiek Canal Roya mendi-tontorreraino, eta eguraldi onaz gozatzeko aukera izan zuten igoera horretan. Igandean, ordea, Peyreguet tontorrera igotzen hasi zirenean, hodei itxiek zerua estali zuten; ezer ikusten ez zela eta, behera jaisteko erabakia hartu zuten mendizaleek. Behin behera iritsitakoan zerua berriz ireki zenez, han buelta bat emateko aprobetxatu zuten.
