Haur eta nerabeei zuzendutako askotariko ekintzak prestatu ditu Azkoitiko Gazteria sailak Aste Santurako zein Pazko asterako, eta horiek gaurtik eman dezakete izena elkarguneazkoitia.eus atarian zein Gazteria Zerbitzu Bulegoan, Elkargunean.
LHko zein DBHko ikasleek tailer sorta izango dute aukeran, besteak beste sormenean, sukaldaritzan, brikolajean edota panpinagintzan trebatzeko. Horrez gain, Haur Astearen barruan, irteerak egingo dituzte HHkoek zein LHkoek, Abarketatxo ludotekaren eskutik. Artxamendik ere prestatu ditu nerabeentzako ekintza bereziak, eta horietarako ere izen ematea zabalik da martxoaren 18ra bitartean. Egitaraua eta horien inguruko informazio osoa hemen aurki daiteke.