Gaur, astelehena, hasiko da Atano III.a buruz buruko pilota txapelketaren 51. edizioa. Aurtengoan 81 pilotarik parte hartuko dute lehian, eta lehen neurketak gaur jokatuko dituzte. 17:15ean hasita, aurrebenjaminen mailako zazpi neurketa ikusi ahal izango dira Gurea pilotalekuan.
Datozen egunetan segituko du txapelketak. Izan ere, ostegunera bitartean egunero izango dira partidak frontoian. Atano III.a buruz buruko txapelketan aurrebenjamin, benjamin, kimu eta infantil mailako pilotariek parte hartuko dute.