Euskal Herria zeharkatzen nahikoa lan izango duten arren, Olentzerok eta Mari Domingik geldialdia egingo dute bihar Azkoitian. Eguraldi ona egingo badu, 11:30ean azalduko dira Balda plazara, eta han elkartuko dira herriko haurrekin.
Handik, kalejiran egingo dute Parrokia arteko bidea, trikitilariek lagunduta. Elizaren atarian, halaber, haurren gutunak jasoko dituzte Olentzerok eta Mari Domingik.
Euriak ez du atzera botako bikotearen bisita, kasu horretan, kalejirarik ez dute egingo. 12:00etan zuzenean elizaren atarira joango dira, gutunak jasotzera.