Ikasturtea hasi zenetik hilabete batzuk joan dira, eta orain artean ikasitakoak jendaurrean erakutsi zituzten atzo Azkoitiko Kanku karate eskolako ikasleek. Elkarguneko kantxan egin zuten erakustaldia, 18:30ean hasita, eta taldeka, karate tekniken hainbat alderdi erakutsi zituzten; hala nola koordinazioa, psikomotrizitatea, trebezia eta autodefentsa. Kanku eskolan zer ikas daitekeen herriari erakustea izan zen atzoko ekitaldiaren helburuetako bat. Dozenaka lagun egon ziren harmailetatik begira, eta kantxan jo eta su aritu ziren kirolarien lana txalotu zuten.