Maxixatzen Euskaldunon Elkarteak urteko batzar orokorra egingo du bihar, 11:00etan, Elkarguneko Oteiza aretoan. Urtero moduan, urteko balantzea egingo dute aurrena saioan, eta ondoren, datorren urteko erronkak zehaztuko dituzte.
Hain zuzen, aurrera begirako erronkak lantzeko eta lehentasunak finkatzeko "ezinbestekoa" da bazkideen parte hartzea elkartearen ustez, eta horretarako, guztiei dei egin die bertara daitezen.