Gipuzkoako Foru Aldundiak prestatzen duen Treba programaren barruan, nerabeei zuzendutako beste ikastaro bat izango da bihar Azkoitian. Oraingo honetan, "begirada kritikoa" landuko dute parte hartzaileek, eta zehazki, diskurtso ukatzaileetan jarriko dute arreta. 18:00etatik 20:00etara bitartean izango da saioa, Artxamendi topalekuan.
12 eta 16 urte arteko gazteei zuzendutako doako saioa da biharkoa, eta han parte hartu nahi dutenek aurrez izena eman behar dute Artxamendi topalekuan zein Gazteria Zerbitzu Bulegoan.