Ostegunean Burgosera (Espainia) egun-pasa egiteko aukera izan zuten herriko jubilatuek Plaza Ondo elkarteari esker, eta 110 bat lagunek baliatu zuten aukera. 08:00etan abiatu ziren herritik, eta bidean hamarretakoa egin ostean, hiriko leku esanguratsuenak ezagutu zituzten bazkaldu aurretik. Eguraldi dotorea egin zieten, eta eguna halaxe pasatuta bueltatu ziren etxera. Uda osteko lehen irteera izan zen ostegunekoa.
