ETB1eko Go!azen telesailaren 12. denboraldiaren atarian, sasoi berriko aurreneko atala emango dute azaroaren 9an Baztartxo antzokian, 17:00etan hasita. Doako emanaldia izango da, baina sarrerak aurrez hartu behar dira azkoitia.eus edo entradium.com atarietan. Sarrerak eskuragarri daude jada.
Hainbat istorio eta pertsonaia berrirekin hasiko du Go!azen telesailak denboraldi berria, eta ekoizleek aurreratu dutenez, "denetariko osagaiak" izango ditu: abenturak, misterioa, gaztaroko maitasuna, komedia, drama… eta noski, kantuak.